நடிகர் விஜய் தமிழ் சினிமாவை விட்டு விலகுவதாக அறிவித்துள்ள சூழலில் அவரது மகன் ஜேசன் சஞ்சய் சினிமாவில் அறிமுகமாக இருக்கிறார். விஜய் அரசியலில் குதித்துள்ளதால் தளபதி 69 படத்திற்கு பின்னர் சினிமாவில் நடிக்க மாட்டேன் என அறிவித்து உள்ளார். அண்மையில் விஜய் நடத்திய தன்னுடைய கட்சியின் முதல் மாநாட்டிற்கு 8 லட்சத்திற்கும் மேற்பட்ட ரசிகர்கள் திரண்டதால் அவரின் அரசியல் எண்ட்ரி அதகளமாக ஆரம்பமாகி உள்ளது.
ஆரம்பத்தில் நடிகர் விஜய், தனது மகன் ஜேசனும் நடிக்கவேண்டும் என்றே ஆசைப்பட்டார். ஆனால் ஜேசனோ தனக்கு நடிப்பதில் ஆர்வம் இல்லை, படத்தை இயக்கவே ஆசை என்று கூறிவிட்டார். இன் நிலையில் தான் கடந்த ஆண்டு மாபெரும் பிரம்மாண்ட நிறுவனமான லைக்கா ஜேசன் இயக்க, தாம் தயாரிக்க உள்ளதாக அறிவித்தது. ஆனால் அன்று முதல் இன்றுவரை, ஜேசனுக்கு சரியாக எதுவும் அமையவில்லை என்று தான் கூறவேண்டும். இந்தப் படத்தில் நடிக்க ஹீரோ கிடைக்காமல் திண்டாடிய ஜேசன் சஞ்சய், இறுதியாக நடிகர் சந்தீப் கிஷானை கமிட் செய்துள்ளார்.
அதேபோல ஜேசன் படத்திற்கு அனிருத் இசையமைப்பார் என்று அனைவராலும் பேசப்பட்டு வந்த நிலையில். அனிருத் மறுத்துவிட்டதாக செய்திகள் வெளியாகியுள்ளது. அனிருத் ஏன் மறுத்தார் என்பது பெரும் கேள்விக்குறியாக உள்ள நிலையில், அவருக்கு பதிலாக நடிகர் விஜய்யின் வாரிசு படத்திற்கு இசையமைத்த இசையமைப்பாளர் தமன் இசையமைக்க உள்ளதாக தகவல் வெளியாகி உள்ளது. இப்படத்தின் ஷூட்டிங் அடுத்த ஆண்டு ஜனவரி மாதம் தொடங்க உள்ளதாகவும், இப்படம் குறித்த அப்டேட்டுகள் டிசம்பர் மாதம் வெளியாகும் எனவும் கூறப்படுகிறது,
