சென்னை: மாடல் அழகியான யாஷிகா ஆனந்த் தற்போது, இவன் தான் உத்தமன், ராஜ பீமன் படத்திலும் மேலும் இரண்டு படங்களை கைவசம் வைத்துக்கொண்டு நடித்து வருகிறார். என்னத்தான் சினிமாவில் பிஸியாக இருந்தாலும் தன்னை வாழவைத்த இன்ஸ்டா ரசிகர்களை மறந்துவிடக்கூடாது என்று தொடர்ந்து அவர்களுக்கு போட்டோக்களை வெளியிட்டு மகிழ்ச்சியாக வைத்து இருக்கிறார் யாஷிகா.
பஞ்சாமி குடும்பத்தை சேர்ந்த யாஷிகா ஆனந்த், டெல்லியில் பிறந்தார். அவரது குடும்பம் மாற்றலாக சென்னைக்கு வந்ததைத் தொடர்ந்து சென்னையில் பள்ளிப்படிப்பை முடித்தார். மாடலிங்கில் ஈடுபாடு கொண்ட இவர் சின்ன சின்ன விளம்பரங்களில் நடித்து வந்தார். இதைத்தொடர்ந்து, ஜீவா நடித்த கவலை வேண்டாம் படத்தில் சின்ன ரோலில் நடித்தார்.
அதன்பின் துருவங்கள் பதினாரு படத்தில் இவருக்கு நல்ல ஒரு கதாபாத்திரம் கொடுக்கப்பட்டது. ஆனால், அந்த ரோல் மக்கள் மனதில் பதியவில்லை.
யாஷிகா ஆனந்த்: இதைத்தொடர்ந்து, நடிகை யாஷிகா ஆனந்த், இருட்டு அரையில் முரட்டு குத்து என்ற படத்தில் கதாநாயகியாக நடித்தார். இரட்டை அர்த்த வசனம் கொண்ட அந்த படம் நடிகை யாஷிகாவிற்கு ஒரு அடையாளத்தை கொடுத்தது.
அப்படத்தினை தொடர்ந்து மணியார் குடும்பம், நோட்டா, கழுகு 2, பெஸ்டி போன்ற படங்களில் சின்ன சின்ன ரோலில் நடித்தார். பின், பிக்பாஸ் சீசன் 2வில் கலந்து கொண்டு அனைவரது கவனத்தையும் ஈர்த்தார். இந்த வீட்டில் கவர்ச்சி உடையில் வலம் வந்து , டீன் ஏஜ் பாய்ஸின் பேவரைட் ஹீரோயினாக மாறினாலும் அவரால், வெற்றிப்பெற முடியவில்லை என்றாலும், யாஷிகாவை அவரது ரசிகர்கள் ஓட்டு போட்டு காப்பாத்தி 98 நாட்கள் இருக்க வைத்தனர். இதையடுத்து யாஷிகா 5 லட்சம் பணப்பெட்டியுடன் வெளியேறினார்.
